فى تحليل سريع لمباراة الكلاسيكو فى الكامب نو بالأمس .
الإثنين أغسطس 14, 2017 4:15 pm
بعض الناس كان لها آراء أن هزيمة برشلونه غير مستحقه على أساس انها كانت مستحوذه على المباراه فى أوقات كتير من المباراه ..
أولاً كده بس الإستحواذ ملوش دعوه بالسيطره على الماتش (اه هى الجمله تبدو غريبه .. بس و الله فى اوروبا بالذات ملهاش علاقه) .
الفكره بإختصار الريال و برشلونه كل فريق له نقاط قوى و نقاط ضعف , الفريق اللى يعرف يستغل نقاط ضعف الفريق الآخر هو اللى يبقى مسيطر على الماتش !
برشلونه خط وسط قوى و منسجم جداً .. الريال متأثر بغياب مودريتش و كروس اللى مستواه بينزل من فتره للتانيه .. فكان شىء طبيعى (أيقنه زيدان من قبل بداية الماتش) إن الإستحواذ هيكون للبرسا .
لكن كمان الريال عنده نقط قوى تديله الأفضليه انه يفوز بالمباراه ..
1- مفيش بديل لنيمار .. ثبت كاربخال ورا و ميعاملش الزياده الهجوميه اللى فى الضروره القصوى و خلى كوفيتيتش يميل عليه .. شكراً قفلت الناحيه الشمال !
2- إليكس فيدال الثغره الأكبر و الأوضح فى فريق برشلونه .. أرمى عليه أحسن 2 لاعيبه بيتحكموا فى الكره جوه فريق الريال .. ايسكو و مارسيلو .. و انت شوفت بنفسك ان 99% من هجمات الريال كانت من ناحيته !
فأصبح عندك الملعب ماشى بالطريقه دى , استحواذ لبرشلونه و محاولة اختراق من الناحيه اليمين او العمق (و احيااااناً اوفرات من الناحيه الشمال) , استحوذ أكتر انت على أرضك و وسط جمهورك , قرب خطوطك من منطقة جزاء الريال , و فى المقابل ضغط عالى من كاسميرو و كوفيتيش ارمى الكره لإيسكو و حرك الطرفين فى هجمه مرتده سريعه ..بس !
الثلاث اهداف جايين بالشكل ده بالظبط !
صلاحيات هذا المنتدى:
لاتستطيع الرد على المواضيع في هذا المنتدى